糖妹坐第二行避一劫
Crystal及兩位女演員在休息室被偷去手機，拍檔糖妹（黃山怡）及電台DJ余宜發齊聲戥他們慘，糖妹說：「我同Crystal用同一間房，雖然我個手機都係放喺枱上叉緊電，不過我坐第二行，距離門口遠啲，所以個賊冇咁易偷到！」她表示事發後，劇組已更改密碼鎖，只有使用者才知密碼，同時她的財物全交由助手保管。
至於鄰房的余宜發亦表示將手機放在枱上，銀包內有數千元現金，事發當晚，他也懷疑有人偷入其房間：「我入咗廁所，聽到開門聲，以為係細佬返嚟，咪大叫佢囉！佢冇應我就開門走咗！」另外，導演馬志豪表示發生偷竊事件後已加強保安，警方已取了閉路電視的影帶調查，他有為演員買保險，但未知賠償問題。
Crystal（左）及糖妹昨晚在肇事的化妝間檢查密碼鎖。
余宜發表示曾聽到有人入其化妝間。