侯佩岑出球飛吻電暈傳人
台灣主播侯佩岑與內地著名導演兼演員陳沖前日性感出席活動，侯佩岑谷胸加飛吻電品牌傳人，Easy地贏陳沖一仗！
國際殿堂級品牌Piaget前日在上海舉行活動，慶祝Yves Piaget玫瑰30周年推出新系列，成功邀請侯佩岑及陳沖出席。日間侯佩岑穿上Tube Dress谷胸，成為焦點！她更全程陪住伯爵家族第四代傳人Yves Piaget，還不時大獻殷勤，與Yves Piaget雞啄唔斷，傾到興起還主動送飛吻，拋媚眼放電！晚宴時，侯佩岑換上晚裝裙，同樣艷壓群芳！
想再搞婚禮
陳沖換上晚裝裙出席晚宴，表示有「再婚」衝動，揚言愛情至上的她說：「今日好似新娘，好有感覺！（想有另一個婚禮？）都想！廿年前結婚，當時仲年輕，總覺得我哋似玩，覺得唔需要婚禮，不過呢刻覺得要有漂亮嘅婚禮！（同老公仲有冇火花？）我哋成日都有不同，總有新鮮感覺！（老公仲有冇送玫瑰畀你？）有，每次結婚周年佢都會送！」
侯佩岑性感迷人，一見你就暈！