Kay傾新公司似談戀愛

歌手謝安琪（Kay）跟環球唱片擾攘多時的合約問題，終於有消息指已達成共識。

Kay昨日出席新城電台活動時透露，解約的相關文件將於本月內簽署，她說：「新公司就未有新去向，亦都唔急！同環球告一段落舒服好多，因為冇咁多揣測！」她又坦言仍未決定與哪間唱片公司簽約：「因為呢段時間都有嘢做，交畀經理人處理，揀公司都要時間，好似談戀愛咁，有啲人談戀愛似撞鬼。（你同環球關係似撞鬼？）我哋係因了解而分開，過往都有好多美好嘅回憶。」

此外，Kay丈夫張繼聰目前在內地拍攝電影，他跟無綫簽下藝員合約，並參演兩套劇集，其中一套由王祖藍編劇，無綫製作資源總監樂易玲說：「阿聰本身有歌手約，依家係加簽咗藝員合約。」

Kay（左）與新城董事總經理馬健生合照。