娜姐旺角益街坊投保百萬

四年一度的足球盛事歐洲國家盃今日凌晨開鑼，忠實波友周秀娜昨日率領兩位師妹Annie G.和Hailey C.直踩旺角派發歐國盃號外，吸引數百波友及龍友圍觀，大會特別為她投保超過7位數字，更出動6名保安護駕。

性感女神周秀娜昨日在天文台發出今年首個酷熱天氣警告下，率領兩位師妹、MonsterBeez成員Annie G.和Hailey C.攻陷旺角鬧市，為四年一度盛事歐洲國家盃派發特刊「娜‧波號外」，因旺角年前發生鏹水彈事件，故地點屬高危地帶。據知大會早已為三人買重保險，雖然保險公司一度拒絕受保，但最終仍為三人投保超過七位數字保額，而大會更請了6名保安築起人肉圍牆確保三人安全。

昨午約1時，娜姐與師妹Hailey C.及Annie G.抵達旺角西洋菜街，現場早已有數百龍友與波友守侯，其後三人先由豉油街出發經山東街前往銀行中心派發號外，原本只需5分鐘的路程，因途人爭相伸手爭搶娜姐手上的號外，結果花了近半個鐘才完成整個旺角巡遊之旅。巡遊期間更有兩名學生妹成功突破保安防線，急不及待在娜姐手上搶去號外，活動後又有不少粉絲把拍到的照片放上微博。

不擔心安全

娜姐事後表示雖然該區屬高危地帶，但不擔心人身安全︰「好感激大會安排保安，確保啲人唔會正面攻擊，而且呢區警方都好多天眼，感到人在做，警方天眼在看我們。」而決賽日因工作要波友陪睇波的她笑言會叫男友Avis捧場兼睇實對方。此外，Hailey C.和Annie G.為免男友睇波時有艷遇，故會做跟得女友，Annie G.說︰「我會同佢一齊打邊爐，咁佢可以睇波，而我可以食嘢！唔會悶親我。」