苟芸慧突發熱脹嗌除衫

華姐苟芸慧（苟姑娘）昨日打扮性感出席活動，卻不敵同場晒三吋事業線的司儀楊洛婷，苟姑娘見狀即嗌熱，「出口術」表示想除衫，成功引人注目。

苟芸慧昨日以嘉賓身份出席腕錶品牌Hamilton展出飛機模型活動，以Tube Dress性感打扮的她，被同場大騷三吋事業線的司儀楊洛婷搶去風頭，苟姑娘見狀即出口術說：「我熱到講唔到嘢！想除衫呀！（點解唔着得性感啲？）大會叫我Casual啲，唔好太過Grand。（唔Show吓？）我健康啲嘛！唔係惹火嗰種類型，同埋我覺得女仔唔一定要Show好多肉先Sexy。（唔會接泳衣騷？）公司覺得我比較健康，應該唔會幫我接。」但笑言若公司真的為她接了泳衣騷，她會努力Keep Fit，希望身形更靚。

請助手撥扇

怕熱的苟姑娘透露稍後要到橫店拍攝劇集《金枝慾孽貳》，她更自創消暑好方法：「我有冰墊，但係好似冇用，我諗上到去之後，可能要請助手幫我撥扇。（有傳聞話佘詩曼會客串？）我唔知道，淨係知道成套劇會拍得好Artistic （唯美）。」問到會否擔心人生路不熟，會遭人鹹豬手？她坦言是拍古裝劇，故不會太擔心，而且相信公司會派人保護她。