克勤為錢與老婆分房
李克勤昨日以「太陽Daddy」身份出席《太陽計劃》記者會，談及歐國盃即將開鑼，有份講波的他估計每晚要凌晨5時才收工，不但要在電視台沖涼，更要連續19晚與老婆盧淑儀分房瞓！他說：「每晚咁夜先返到屋企，驚嘈醒屋企人嘛！所以我會去『柴房』瞓。」他口中的「柴房」是指家裏的雜物房，並笑言設施「唔錯」，有發出「轟轟聲」的舊式冷氣機及尼龍床，不用瞓地下。
同場的男子組合Shine則透露演唱會將加開一場，問到酬勞是否每人20萬元，天佑與又南表示不知情：「我哋冇過問錢銀嘅嘢。」二人希望屆時以特別方法登場，又南想吊威吔，天佑則說：「我想喺台中間升上嚟！」
克勤忙於為寶貝仔安排暑期活動，其中一項是學游泳。
天佑（左）與又南揚言不為賺錢而開騷，主要想與歌迷聚會。