余文樂：聽聞好靚仔
曾與千嬅合作多套電影的余文樂，昨日對拍檔連聲恭喜，他說：「聽聞BB好靚仔喎！係咪好似我咁靚仔呢？之前宣傳電影時，我日日對住千嬅，哈哈！我返香港一定去探咗佢同BB先！」導演彭浩翔亦笑說：「BB一定好似我，因為千嬅好多時間對住我。」而時裝設計師何國鉦則透露上周已送禮物：「我做咗件BB衫畀佢，係絲絨質料，仲有個煲呔仔！丁子高第一次做老竇，請咗兩星期產假。」而名模陳祉妤（前名陳沛嘉）亦已預備好禮物：「我買咗小禮物畀BB，係一張包被，覺得好實用。」
向來搞笑的容祖兒，則笑言「超級無敵恭喜」，她說：「辛苦晒千嬅喇！哈哈！又一名『雙子仔』誕生，一定係精力旺盛嘅頑皮仔呀！」古巨基則祝BB快高長大：「恭喜丁生丁太，祝丁B健健康康、肥肥白白。」而甘國亮則打算稍後才探望千嬅，並笑說：「女人貪靚，等佢靚靚嘅時候先見人啦！」
BB未出世已經常與阿樂「見面」，難怪阿樂笑問BB是否似他！
何國鉦設計有煲呔的絲絨靚衫，為丁家打造「潮B」。
古巨基
陳祉妤