Kelly送龍床 BB瞓得甜

楊千嬅昨日榮升「龍媽」，不少圈中老友紛紛送上祝福，同是天后級的陳慧琳（Kelly）早前已率先送上BB床，昨日再祝福BB在父母陪同下睡得香甜。

娛樂圈昨日再添喜訊，樂壇天后楊千嬅誕下7.6磅龍B，丈夫丁子高第一時間在微博公告天下，一眾圈中好友均雀躍不已，紛紛送上祝福！誕下第二名囝囝「小龍包」不久的陳慧琳（Kelly），昨日急不及待恭喜丁家上下，她說：「希望BB健康成長，千嬅同丁生三年抱兩！之前我送咗張BB床畀BB，希望佢喺父母陪住下瞓得好Sweet啦！」

破冰後首踏無綫

前晚Kelly偕曾志偉、劉心悠及草蜢等錄影遊戲節目《環遊世界明星賽》，自無綫與四大唱片破冰後首度亮相無綫的她，明顯經過悉心打扮，雖然身材已Fit了不少，但她仍希望多減10磅，認真貪靚！

談及重臨舊地，Kelly坦言感覺有少許不同，唯一沒變的是廠房冷氣依然強勁，她笑說：「超凍呀！（有冇唔認得路？）之前都唔係好認得，呢度太大喇！我來來去去都只識去一廠同排舞室。（之後會唔會多啲合作？）破冰之後有咩節目都可以上，之後回歸Show都有份唱。」

唔支持增頒獎禮

對於有電視台打算舉辦樂壇頒獎禮，Kelly認為表演不是問題，但由於沒有新歌，相信未能角逐獎項。問到是否支持再增設頒獎禮，她說：「唔係好支持，因為唔係咁有說服力，咁多個台搞一個仲好！」