林夕新歌「親」老友
楊千嬅與「詞聖」林夕及黃偉文（Wyman）老友鬼鬼，為恭賀「RMB」出世，林夕早已為老友度身作歌《親》，講述千嬅佗B時的心情：「之前送咗份禮物畀佢，我趁佢仲入得錄音室，之前又作咗首歌畀佢，今日正式派上台，係送畀佢最好嘅禮物！」至於Wyman雖表示未收到通知，但會送禮給BB：「我會去巴黎時裝周，順便買箱高級時裝畀BB，再唔係幫佢改中文名！（可能跟族譜喎？）咁幫佢改英文名囉！我會改Exci，佢姓丁，加埋咪Exciting（刺激）囉！」另有不少網民發揮創意，為「RMB」改名「丁噹」、「丁屋」及「丁一聲」，亦有人改英文名「Fat Ding」（翻丁）。
林夕作新歌賀千嬅，相當貼心！ （資料圖片）