娜姐獻身Avis搓波頂癮

周秀娜男友陳偉成（Avis）早前與模媽Mia（陳靜儀）在戲中近乎全裸肉搏，Avis更為Mia推胸。娜姐不怕男友推上癮，笑言會約他搓羽毛球頂癮，又送補品慰勞。

昨日周秀娜（Chrissie）與o靚模王麗嘉（Rika）出席時裝店活動，Chrissie表示一直在內地拍戲久未回港，返港至今亦未有機會與男友Avis見面。提到早前生日，男友有何表示？她說：「冇喎！（有冇期待？）都有啲，想知佢會搞乜心思嘢，但其實送乜唔重要，有心思就得。」與男友同月生日的Chrissie自爆越洋送蛋糕及維他命C給對方作慰勞：「佢第一次拍戲，知佢辛苦，等佢補吓！」

Mia冇問候舊愛

至於Avis在新片中要為Mia推胸，Chrissie聞言即笑說：「佢打保齡好犀利，應該OK！如果佢想喺呢行做落去就要專業。（有冇向你備案？）冇同我提過。（怕唔怕佢推上癮？）得閒我同佢打羽毛球，做多啲運動都好。（怕唔怕戲假情真？）呢啲係劇情需要，我有叫佢投入啲，鍾意對手係好事，唔會問罪，做嘢啫！」她又稱從不擔心感情受威脅，最重要是互相信任，問到是否感情變淡？Chrissie說：「咁係應分。」顯得自相矛盾。同場的Rika則透露剛在青島拍完微電影，飾演一夜情女友，有意挑戰性感底線，並考慮作更激演出。

另外，娜姐「情敵」Mia前晚到旺角行人專用區派足球雜誌，宣傳歐國盃，曾與前足球員陳肇麒傳緋聞的她被問到對方遭解僱一事，她亦表示知情，為免被誤會，未有聯絡對方。對於歌手連詩雅的慾照外洩，她坦言亦曾犯錯：「我都年輕過，有犯事，但冇影過呢啲相。」