林莉高宇橋日日短訊傳情

模特兒林莉昨日出席香港著名時裝設計師好友Arthur（林樹彬）的一站式婚禮宴會策劃公司開幕。她表示夢想中的婚禮是莊嚴而神聖：「有我最鍾意嘅白玫瑰同蘭花，婚紗簡約得嚟又要30呎長拖尾款式。（同緋聞男友高宇橋聯絡？）佢返咗台灣做嘢，上月佢喺香港，我都有同佢補祝生日，佢仲叫我要記住佢生日，約定下年一齊慶祝。」至於有否發展機會？林莉表示每天都與對方不分晝夜地以短訊傳情，但怕分隔兩地難維繫，暫時約會中，未敢發展：「一日都有十幾個短訊o架！而且我養貓、佢養狗，大家有寵物情緣，特別投契，但始終我成日喺香港、佢喺台灣，現階段都係傳短訊同約會吓先。」

林莉出席設計師好友Arthur的婚禮宴會策劃公司開幕。