Ella怕現形唔敢擘髀

官恩娜（Ella）昨日以貼身長褲襯斜膊衫出席活動，大會安排她坐在划艇機上玩遊戲，醒目的Ella為免「小娜」現形，雙腳全程夾實。她承認感尷尬，並強調做足安全措施打底，深信「小娜」不會被攝入鏡！

歌手Ella與森美昨日出席活動，吸引逾百名圍觀者，森美為搞氣氛不停搞Gag，問題環節又出動手勢「提水」，場面搞笑！穿上斜膊衫配Leggings的Ella甫上台即跌出打底背心吊帶，她在眾目睽睽下多次用手整理，期間大會安排她與森美坐在划艇健身器上玩遊戲，醒目的Ella即說：「等我整整件衫先，如果唔係好易出事。」身旁的森美笑說：「你一坐低就肯定冇人影我。」令Ella一臉尷尬！

為免下體現形的她全程夾實雙腳，而司儀亦提早結束遊戲時間，Ella說：「有啲尷尬！（怕現形？）應該唔會，打晒底。（着咗十條底褲？）女仔有佢哋嘅方法，冇可能現形。」

旅行後變舊炭

早前成功與經理人提前解約的Ella說：「我哋係和平解決。（有指公司欠你錢？）過咗去唔想講。」對於有傳她轉投華納做薛凱琪及方大同師妹，Ella有口難言說：「遲啲大家就會知。（係咪簽華納？）交畀新公司公布。」

她隨即透露剛與家人及外籍醫生男友去完旅行：「放咗兩星期假，同家人、朋友去咗東南亞玩。（男友呢？）有，去咗陽光與海灘，曬到好黑。」