Hidy陪睇波唔囉嗦「歐國波Something」畀個Like

余曉彤（Hidy）一向都係運動型索女，已經有潛水牌嘅佢運動細胞十足，四年一度嘅歐洲國家盃，Hidy當然唔會錯過啦！不過，Hidy就話自己唔會懶醒，喺男友班Friend面前表現得足球知識多過佢，佢仲教路話最好搽少少香水，安靜坐喺男友身邊陪佢一齊睇波，感情肯定大進添！

喺《東方日報》及《太陽報》推出嘅「歐國波Something」App入面，作為其中一個「歐國妹」嘅Hidy，可以話同歐洲最貼近，因為佢擁有四分一西班牙血統，歐洲國家盃舉行期間，佢肯定會全程為呢支衞冕球隊打氣。

西班牙最出名鬥牛，但Hidy就話自己唔會同男友鬥牛，尤其講足球，更加唔會表現得叻過佢，或者亂發小姐脾氣畀人話「港女」：「港女其中一個特質係自我同自私，所以當男友有朋友一齊睇波，不論喺屋企定卡拉OK，最緊要我表現得有咁賢淑得咁賢淑，畀佢話晒事……一晚咁多啦！」

教埋冧仔攻略

Hidy又向女仔教路，如果得番你同男朋友，做法又唔同喎！可以先沖個靚涼，搽少少香水或香薰，默默坐喺男友身邊支持佢嘅愛隊，即使唔出聲，佢聞到你身上陣香味，都知你支持佢，感情肯定大增啦！

咁好嘅女仔喺邊度搵？喺由iPhone下載嘅「歐國波Something」App就搵到喇！大家可以Download呢個App，畀個Like支持Hidy，等佢成為「歐國妹」Polling Queen，你仲有機會同Hidy喺觀塘apm舉行嘅「我和女神終極決賽約會」，一齊睇波一齊玩遊戲，你仲唔快啲Download！

活動簡介

名額100名：每位勝出者可攜同一名親友出席2012年7月2日凌晨舉行之「我和女神終極決賽約會」活動，與眾索模近距離睇歐國盃決賽。

參加者可於活動期間透過http://football.hkjc.com及iPhone App「歐國波Something」為各位歐國妹打氣。參加者每日可進入以上兩個平台各打氣一次。此外，每場球賽開始後的指定時間內，可再進行多一次打氣動作。打氣次數最多及最快的100名參加者，便可出席「我和女神終極決賽約會」活動。

遊戲日期：2012年6月1日至6月25日

得獎名單：得獎名單將於2012年6月25日於「歐國波Something」App公布，所有得獎者於2012年6月26日至29日期間獲個別通知。