Theresa密會已婚監製

與超蓮同場睇戲的還有傅穎（Theresa），她與一名中年男士在戲院排隊買票，發現記者後，她大方對鏡頭微笑，然後與男友人入場。記者昨日致電Theresa求證二人關係，她指同行男子是電影監製黃永峰（Charlie）：「我哋係前年拍《熱浪球愛戰》識嘅朋友，因為佢生日，嗰晚約咗大班朋友食飯，咁啱我哋下晝得閒，趁有時間咪去睇戲囉！（有冇發展可能？）黐線啦！唔係呀！佢結咗婚o架！我哋係朋友，我依家冇拍拖，緣分順其自然！」當晚她在微博上載飯局合照，日前又在微博搞笑祝賀：「今天是你25歲的生日，祝你生日快樂！」

Theresa與電影監製黃永峰結伴睇戲，並為他慶祝生日。