丁子高笑靚B胎動似異形

丁子高前晚大爆臨盆在即的老婆楊千嬅心情緊張，但深信她不會有產後抑鬱，反而會有產後興奮症！將為人父的他笑指BB胎動似足異形，但從超聲波的照片中可見BB生得好靚仔，並自誇似足自己！

丁子高前晚出席晚宴，透露太太楊千嬅距離預產期尚餘兩星期，家人已開始戰戰兢兢：「今日開始拆箱，拎BB用品出嚟，我同工人又抹櫃，洗衫都洗3次，仲買定專洗BB衫嘅洗衣機。」問到是否怕成為「直升機」家長？子高表示不會寵壞子女，但現時始終有很多流行病，故在兒子1歲前都會特別緊張，加上是第一胎，所以不能放鬆，現已盡量減少工作陪伴太太。他又大爆千嬅心情緊張：「始終佗咗成年！（驚佢有產後抑鬱？）驚佢有產後興奮症就真，我喺佢身邊咁開心。」並笑言千嬅胎動多了，見到BB的手腳在千嬅肚皮內郁來郁去，令他想起「異形」，他興奮地說：「照咗見到個仔好靚仔，感受到，靚仔通常似我啦！（大個入娛樂圈？）大個佢讀晒書鍾意就做，但童星就唔好喇，驚影響學業。」

此外，問到有沒有纖體公司聯絡千嬅，他反指自己比千嬅更需要瘦身，故希望有纖體公司找他代言，記者指代言人要騷胸肌，可能成為邀拍裸照的目標，子高即笑言不會，但承認有留意該報道，每日追看都覺得好好笑。

薩頂頂做港人

同場的內地歌手薩頂頂表示常在香港演出，而第三張唱片將於北京發行，屆時會到香港舉行發布會，又透露剛透過優才計劃取得香港身份證，考慮在港長住，老公亦會相伴。由於新碟主題是打破隔膜，故她與陌生人頭頂頭，拍了過萬張相片配合主題。