小豬道歉 勸「豬迷」冷靜

黃秋生前天因一句「羅志祥是誰」而遭對方粉絲圍攻，他在微博爆粗反擊；至於羅志祥（小豬）昨日呼籲粉絲冷靜，並向秋生道歉。

因微博一句「羅志祥是誰」而被「豬迷」炮轟的秋生，前晚出席音樂劇首演禮時，提到與「豬迷」駁火，他說：「荒謬！羅志祥係邊個我真係唔知。（好嬲？）唔嬲，幾好笑，好似一堆烏蠅『摟』住一堆糞便，嗡嗡聲咁，其味無窮。」秋生解釋：「我只係講部電影，好似唔知佢係邊個會好大罪咁。（刪除微博？）唔會，我有咁多朋友喺入面。」

秋生餘怒未消，繼續在微博爆粗：「我講電影，你班死契弟就嚟生事打架，又吾（唔）睇人寫嘅前文後理，一味斷章取義，不停洗我版，搞到我要請教你班X街仔，乜水係羅志祥，吾（唔）識咪吾（唔）識囉，吾（唔）識有罪呀……有乜咁出奇？吾（唔）好以為你哋好X重要，人哋講乜都有你份，成日想害你，有病睇醫生啦X街。」秋生愈講愈慶：「你哋邊X個呀？我老豆（竇）呀？我做乜講乜關你哋X事咩？……吾（唔）中（鍾）意就死X開，冇人請你哋嚟！」又表示喜歡用粵語留言，夠暢快：「我前日講嘅係電影《賽德克巴萊》，吾（唔）係羅志祥呀，你班契弟，死開啦。」

被罵「亂倫祥」

小豬昨日來港宣傳新碟，提到秋生不認識他，他說：「他是電影前輩，我是晚輩，不介意亦沒有不開心。（歌迷罵秋生？）知道歌迷激動，對秋生抱歉，希望歌迷冷靜，畢竟並非每個人認識羅志祥。」小豬表示雖未見過秋生，但很喜歡對方。此外，小豬日前於上海遭途人舉中指兼罵「亂倫祥」，小豬坦言攻擊他沒關係，不過若攻擊其家人就不行。問到羅媽媽心情如何？他說：「她說那些人心理有病，媽媽叫我不要理會。」