吳彥祖被同性戀Fans示愛
型男吳彥祖昨晚出席活動時，提及近日涉捲入富商劉定成的裸照案，他說：「我同馮德倫都講係開玩笑，佢冇影過我哋，我唔識佢！（佢暗示有你份？）好明顯佢想搵頭條畀自己。單案都判咗，大家都知結果，我覺得好搞笑。（有冇人邀請你拍？）冇！（有冇男Fans示愛？）會有同性戀Fans，但唔係佢咁蠱惑！（介唔介意影藝術裸照？）我以前影過，你哋都知。」他又指跟太太Lisa S.都不愛拍照，着大家不要有幻想。此外，他正在香港拍攝自編自導的漫畫式電影，問到會否沒時間造人？他說：「有，就係特登喺香港拍，收工可以返屋企。」並稱目標是生蛇仔。問到有沒有興趣將劉定成案件拍成電影？他說：「唔夠商業，我諗冇乜人睇。」
吳彥祖（右起）跟舒淇及桂綸鎂等排排坐睇騷。