舒淇搶桂綸鎂「峰」頭 「離」晒譜

性感女神舒淇前晚穿Tube Dress出席北京時裝活動時稍稍「離罩」，而一向走清純路線的桂綸鎂則穿白色大露背裝迎戰，一個露前，一個露後，但同場的范冰冰亦相當搶鏡！

品牌Giorgio Armani前晚在北京舉行《2012秋冬系列活動》，吸引中、港、台名人出席，包括舒淇、桂綸鎂、楊紫瓊及范冰冰等，現場還有老牌歌手Tina Turner及Mary J.Blige表演助興，至於主帥Mr. Armani亦有現身謝幕。當晚最性感莫過於穿Tube Dress的舒淇及穿大露背裝的桂綸鎂，但主場的范冰冰亦相當搶鏡！冰冰雖然只在紅地氈拍照及接受大會訪問，但亦吸引一位戴面具的男士合照，但被工作人員拒絕。

過檔模棱兩可

舒淇的Tube Dress有點離罩，問到會否覺得危險？她打地說：「危險o架！唔可以烏低身，雖然冇嘢跌出嚟，但會離開（罩）。」對於有指內地娛樂龍頭華誼兄弟有意邀她加盟，她說：「傳聞唔需要證實。（依家嘅老闆立即傾續約？）我合約到喇咩？（依家老闆同王中磊爭你？）咁我都幾有價值。（同老闆關係疏離但同王中磊Friend？）我不嬲同個個老闆都疏離，不過佢哋都好好人，係好老闆！（公司電影部人事變動令你想走？）咁多傳聞，逐條答要答到出年。」她指現時正在休假，問到何時開工？她笑說：「希望出年啦！但如果有啲好玩嘅劇本都會接。（有冇拍拖？）拍緊拍緊拍緊，就快o架喇！」

甚少行性感的桂綸鎂，以白色大露背裙登場。問到打扮是否性感極限？她笑說：「沒想過，也沒甚麼極限吧！」還透露正趕拍楊采妮執導電影《聖誕玫瑰》，並大讚對方是個很棒的導演，能讓演員在舒服的情況下專心拍戲。