白歆惠老貓燒鬚行騷仆低喊驚
台灣名模白歆惠、林嘉綺、內地名模裴蓓等昨日行騷，經驗豐富的白歆惠在台上行Catwalk竟老貓燒鬚，當她落樓梯時被電線Click到，整個人跌低！尾隨的男模特兒即時扶起她。騷後，白歆惠表示穿上10吋的高跟鞋：「我踩電線Click到，依家腳眼扭傷，當時都驚自己企唔到起身，同自己講一定要站起來，我都被嚇到！今晚仲要行騷，都好擔心，仲要着呢對鞋，入行以來未試過，超難過！」對於早前被影到與富貴男友睇日出，問到兩人是否拍拖？她說：「係，佢係喺香港工作嘅台灣人，但佢唔係富家子弟，打工一族。佢有186cm（6呎1吋）高，我哋兩個都咁高，好易被大家認出。」
穿上10吋高跟鞋的白歆惠，行騷時步步驚心。
白歆惠入行以來首次仆倒，認真老貓燒鬚！
林嘉綺行貓步時顯名模功架，其後行紅地氈時掩實心口，未知是否為避免走光。