張曼玉親證五年情玩完

47歲影后張曼玉情路崎嶇，與拍拖5年的德國籍建築師男友Ole Scheeren屢傳分手，昨日她終親口承認兩人因分隔兩地，感情難以再維繫而分手。張曼玉現已回復單身，做黃金剩女！

張曼玉（Maggie）獲國際著名品牌萬寶龍邀請，到北京出席其珠寶系列「摩納哥格蕾絲王妃」的盛大發布會。她穿上豹紋長裙外披短外套，略帶疲倦，明顯比前消瘦。Maggie甫到場即笑容滿面，親民地揮手。今次珠寶以摩納哥已故王妃嘉麗絲姬莉（Grace Kelly）與王子的愛情故事作為設計靈感，Maggie在台上表示Grace Kelly與柯德莉夏萍在她心目中是全世界最靚的女人，問到戴上此首飾會否令愛情更精彩？她說：「如果咁簡單就好，每個女仔都鍾意美麗嘅事。（期待更多愛情喺你身上發生？）冇一個女生唔想同一個人相愛。」說時甚為感觸，完全透露她的心聲。

流淚露端倪

Maggie在感情路上多番波折，自02年與法籍導演阿薩耶斯離婚後，07年與比她年輕7載的男友Ole拍拖，姊弟戀維持5年，屢傳分手但均被否認，最近又再傳甩拖。她大前日在活動上突然流淚，令人聯想到感情再亮紅燈。Maggie被問到是否與Ole分手？她起初顯得愕然，想了一會才說：「我依家單身。（幾耐嘅事？）呢幾個月嘅事，呢兩年自己好少喺北京，我北京以外有好多事想做，大家各有各忙，以前男朋友一定要喺北京做嘢，好難成日一齊，我哋傾過決定Break一Break，我有好多自己嘢，除咗事業，仲有我嘅家庭都係喺第二度地方。」她強忍分手傷痛，平靜地細訴。

此時台上的司儀突然打斷示意訪問完畢，Maggie大方地繼續說：「你哋問我，我唔想呃大家，我只回應一句，唔想好Details咁講，總之我哋依家係好朋友。」回復單身的她被問到是否歡迎任何人追求？她說：「唔可以咁講。」似乎有所保留，看來對Ole仍有所留戀。她又否認為情消瘦：「成日被人話瘦，我依家幾健康，差唔多，上磅冇乜分別。」

瘦到現胸骨

一向愛情至上的Maggie，電影上久未有新作，問到有否想過息影？她說：「冇諗過唔演，有時拍戲要講緣分。（享受出席活動多過拍戲？）大家唔同性質，活動上可以同大家傾吓偈，同沙漠拍戲飛嚟飛去，打嚟打去唔一樣，但如果投入角色，當中快感冇嘢可取代。」

Maggie表示一直都有收劇本，但大多是悲慘傷感的角色：「可能大家對我演喊戲好深印象，但其實我想拍喜劇，但冇人搵。」工作冇間斷的她，仍忙個不可開交：「今日出席活動，聽日可能喺農村同小朋友做嘢，都會影吓相，學緊剪片同做音樂嘢。」此外，品牌晚上時分舉行紅地氈酒會，Maggie身穿金色Deep V露背晚裝，但她因太瘦露出胸骨。