林德信小學雞闖樂壇

林子祥兒子林德信（Alex）早年回港探親，獲環球唱片垂青，令在美國夾Band的他決定留港發展，雄心壯志將「喜訊」告知老竇時，卻遭潑冷水：「其實你未Ready好。」他承認仍有很多地方要改善及學習！

林德信（Alex）日前為派台歌《Magic》接受訪問，怕醜的他甫見記者即禮貌打招呼，更遺傳了父親林子祥的「陰聲細氣」。Alex坦言入行從未問過父母，更自爆準備殺入樂壇時竟遭父親潑冷水，他說：「佢話我『其實你未Ready好』，我知我嘅音樂只係小學生，有好多嘢未識。」

Alex透露入行經過：「前幾年返香港探公公、婆婆，之後好多人搵我拍廣告，環球有問我想唔想做歌手，從來都想像唔到自己可以做Artist，我覺得係一個好機會。」在美國長大的他隨即回流返港發展，問到會否擔心外界將其成績與父親作比較？他說：「壓力會有，唔諗太多。」

想同Kary發展

對於一出道即與師姐吳雨霏（Kary）傳緋聞，Alex說：「大家係好朋友，上次畀人影到佢去我屋企，真係練結他！」他坦言報道令他嚇一跳，記者笑指新人不應講大話，他即笑說：「我想同佢發展，係佢唔願意。」引得全場捧腹大笑，隨即澄清說：「大家係朋友！」