關楚耀「誘」口福 克勤靠「滾」展「食力」

入得廚房的關楚耀（Kelvin）主持13輯《關仁煮事》，最尾一集有師兄李克勤壓軸助陣，不識煮只識食的克勤對Kelvin親手弄的糯米飯及椰子瘦肉雞腳湯讚不絕口，他搞笑地說：「『輪』雞腳嘅食相留喺屋企食好啲，戙高腳咁先冇得頂！」愛上烹飪的Kelvin表示煮食跟唱歌一樣講Feel：「煮嘢食都係一種藝術。」

克勤可謂睇住Kelvin大，對Kelvin歌唱事業一度陷於低潮，他勉勵師弟：「唔好諗咁多，諗得太多會鑽牛角尖，盡量充實自己，Keep住好好狀態，當有機會時先會捉得住，喺娛樂圈總有高低潮，就好似水滾梗係拿拿臨落嘢煮，好多機會煮到好嘢，喺低潮水都唔滾，點撥都冇用！」

關楚耀（左）為克勤親自下廚，贏得師兄讚賞。