薛凱琪出手搞掂萬梓良

薛凱琪首次與萬梓良合作電影飾演父女，她坦言初時被萬梓良的霸氣嚇親，相處落才知「老竇」相當幽默，兩「父女」相當合拍，互相幫助！

萬梓良與薛凱琪首次合作，在馮志強執導的新片《懸紅》中飾演父女。薛凱琪笑指初時以為萬梓良甚有霸氣，一度被嚇親，誰知他相當幽默！她說：「有次佢望住我好耐，然後叫我埋佢身邊，佢話我條頸好長，影相最好耷低頭會好睇啲！」而萬梓良則讚她演技出色，其中一場重頭戲已給了「五個星星」難度，她則演出了五粒半星的水準。

談電視戰「有排等有牌」

久未演出的萬梓良獲導演安排以全新形象演出，其中一場戲要戴「大眼仔」，他說：「我戴好多次都戴唔到，最後要薛凱琪出手先搞得掂！」他指與薛凱琪十分合拍，若下次她拍戲需要一個父親的時候，亦可以找他演出。問到有否香港電視台找他回港助陣？他說：「等佢有牌先啦！咁真係『有排』嘞！」導演馮志強讚二人合作相當有默契，很感激萬梓良參演：「因為萬梓良好耐冇出嚟拍戲，所以我加強佢嘅角色效果，要佢戴大眼仔演出。」完成拍攝後，導演亦有短訊問候，令萬梓良感到相當窩心！

髮型：So Lam Queens Private-i

化妝：Jessica Chan Make Up Workshop

服裝：Blessed Ave The Meek By Runway Workshop

場地：E-Max Max Home 名雅家居博覽