Lynn聽到化：當唱歌

名模熊黛林（Lynn）前晚錄影節目，直認一直以來聽過不少難聽的說話，但會當對方唱歌，並指難聽說話並非出自同一人：「我唔係講佢經理人。」

名模熊黛林（Lynn）前晚到豪宅錄影節目《海琪的天空》，談到她先前指有人說話難聽而感不快，問到目前心情可有好轉？她直言已習慣聽難聽的說話：「慣咗！聽唔少，聽到當唔好聽嘅歌，當唱歌，聽完就算，知自己冇做就得！」問到說話是否出自同一人？她否認，並指始終有人想法偏激：「我唔係講佢經理人（即郭富城經理人小美），冇聽過佢講啲乜！」

冇同城城協議

Lynn稱一向不習慣將戀情講給所有人聽，問到是否與郭富城達成協議？她說：「唔係同邊個協議，我嚟香港至今一直少主動講。」在豪宅受訪，問到可有想過買豪宅？她表示買不起，要再搏命工作，記者笑言先買洗手間，她笑說：「可能都買唔起！（以豪宅為愛巢目標？）希望都咁靚，但要再努力。」問到會否接父母來港同住？Lynn稱雖然想過，但擔心父母不習慣。至於父母可有叫她與城城一同到南京？她說：「佢哋冇講乜，知我喺呢度做嘢！冇諗住放棄，可以嘅話呢世都留喺香港。」