蒙嘉慧出口術 催伊健買婚戒

蒙嘉慧（YoYo）昨日披上婚紗及佩戴逾千萬鑽飾擔任珠寶公司活動嘉賓及客串模特兒，她否認是預演婚禮，但滔滔不絕大談夢想中的婚禮，更暗示要男友鄭伊健快點買婚戒。

蒙嘉慧昨日披上婚紗及佩戴逾千萬鑽飾出席《周大福 the perfect one完美婚嫁系列》活動，頭戴逾33卡鑽石后冠的YoYo表示以前從未想過要在結婚時戴皇冠：「但係自從睇咗威廉王子個婚禮，我就想自己公主啲，有個童話式婚禮，但淨係我頭上嗰粒5卡主石就已經好貴，唔係咁隨便可以買到，我自己其實3卡都好開心。」

盼着黑色婚紗

問到伊健有否送鑽飾時，她說：「唔記得咯！（太細所以唔記得？）係囉！所以我依家第一時間要知我手指戴咩Size，人哋問到我都可以話佢知嘛！」問到伊健有否曾藉故問她手指圍？她說：「冇喎！陣間問完畀個Number佢。」再問到今次是否預演結婚？YoYo即否認，但一臉恨嫁的她希望在婚禮上穿黑色婚紗：「我知好多人都覺得意頭唔好，好抗拒，但我覺得好有型。」她表示拍攝完《Only You》後對婚紗相當熟悉：「我依家一望就知邊款婚紗啱我，邊款唔啱，好似高腰嘅婚紗我就着唔到，因為我胸骨勁，着咗似大肚，我一定要啲收腰嘅。」她又表示以前覺得接受不了黃金首飾:「但依家我覺得變咗Fashion，結婚時人哋送畀我都好開心。」

堅拒台上求婚

此外，鄭伊健、草蜢及鍾舒漫等人昨晚出席活動，「動漫Maggie」李曼筠與廖碧兒更性感拋胸！問到即將舉行演唱會的伊健會否在台上向女友YoYo求婚？他說：「唔會！公還公、私還私！」而草蜢則搞笑地向伊健索取演唱會門票。談到女友嫌棄所送的鑽石太細粒，他說：「嗰啲唔係鑽石，係飾物嚟！其實送沉香仲有價值啦！要成幾百萬o架！」同場的鍾舒漫被指疑似凸點，她即時澄清：「我有打底o架！係裙嘅褶位嚟！」