陳慧珊生日30蚊雞搞掂

陳慧珊（Flora）前日迎來丈夫兼經理人鍾家鴻（Mike）破產後的首個生日，為答謝愛妻一直以來的無限支持，Mike化身住家男，親自揀30蚊一隻的冰鮮雞，下廚炮製愛心生日宴。

陳慧珊丈夫兼經理人Mike今年三月破產，全家在經濟及生活上陷入前所未有的大轉變，Flora即時計劃復出拍劇賺錢養家，肩負照顧全家的重擔，前日適逢她42歲生日，Mike細心安排平價慶生活動，氹老婆開心。

前日下午4時許，頭髮花白、穿便服的Mike獨自駕車離開寓所，先到數碼港寄信，繼而往香港仔田灣買平價餸，Mike到連鎖凍肉店與一眾師奶揀凍肉，然後挑選30蚊一隻的冰鮮雞。隨後他往街邊檔買新鮮蔬菜及生果，逼入人群與檔主講價，找贖後細心地邊行邊點算零錢，然後回家下廚煮生日餐。

湊女笑開顏

雖然生日沒有大事慶祝，但有丈夫和女兒相伴，Flora同樣滿足，休息一晚後，昨午在佣人陪同下親自送女返學，一手拖實囡囡，一手拿着書包，問到生日有否慶祝？她笑容燦爛地答有，至於丈夫有否送禮？她說：「有呀！（囡囡有冇送禮物？）差唔多啦！」又搞笑地問記者：「其實你知唔知我唔係今日生日o架？」看來心情愉快。

另外，陳慧珊早年自與馬德鐘拍攝無綫劇集《搜下留情》後已停工，目前零工作的她，雖被傳與吳鎮宇再在劇集《衝上雲霄2》合作，但據知無綫目前尚在接洽，成事機會不大，一眾粉絲的期待將成空。