徐子淇驚被誤會家暴

「千億新抱」徐子淇昨日出席藝術展時表示買下不少雕塑作品，不過怕被囡囡撞跌或「加兩筆」，故不敢掛出來。她又稱囡囡畫的自畫像嚇她一跳：「大女就快入小學，入學試會考畫畫，我叫佢試吓畫，點知佢畫咗自己喺度喊，仲流緊血，我好驚問佢點解，原來佢兩日前喺學校跌親，好痛好唔開心，我同佢講要勇敢同開心面對，唔係人哋睇咗幅畫以為係家庭暴力。」

子淇悉心打扮出席藝術展，散發藝術氣質。