古巨基躋身Billboard頒獎禮

古巨基獲邀出席美國Billboard頒獎禮，成為首位中國歌手應邀睇騷兼行紅地氈，基仔感到相當興奮，挑選了黑白配戰衣上陣，以型Look突圍而出。

本報收到消息，古巨基獲邀到美國出席於美國時間本周日舉行的《Billboard Music Awards》，昨日基仔已起程，一行六人浩浩蕩蕩出發，他上機前接受本報電話訪問承認獲邀：「一個月前收到大會嘅邀請函，知道要行紅地氈同睇騷，仲準備咗一套白色西裝褸襯黑色西褲，總之就型囉！」

Lorraine唔行紅地氈

據知，因基仔在華人樂壇的成績突出，在香港和內地頻頻獲獎，加上一直熱心公益，故大會邀請他出席盛事，成為中國歌手的代表。基仔坦言自幼已知Billboard是國際級頒獎禮，對他來說是一件遙不可及的事，從沒想過有機會親身參與：「感覺好神奇，我會抱觀摩嘅心情去欣賞國際級嘅製作水準。（心情緊張？）應該用興奮嚟形容！」他透露得力助手兼緋聞女友Lorraine都會隨行，問到大會有否限制入場人數時，他說：「唔知，但相信得力助手有機會做座上客。（陪你行紅地氈？）唔好玩啦！佢冇帶晚裝。」

當晚美國當紅歌手Usher、Kelly Clarkson、Linkin Park及Nelly Furtado等擔任表演嘉賓，獲提名的則有英國天后Adele、美國天后Rihanna及百變天后Lady GaGa等，星光熠熠！