羅仲謙：當年瘦蜢蜢冇影過
劉姓富家子涉以裸照恐嚇及非禮男藝人一案昨日開審，圈中人議論紛紛，並談論有關藝人拍攝裸照之風氣問題。多位健碩男藝人昨日表述心聲，羅仲謙、黃德斌、高鈞賢及袁偉豪均表示沒有拍過類似照片。謙仔表示當年做救生員時仍是「瘦蜢蜢」，亦強調不會被金錢引誘：「我覺得係修養問題，我唔會做呢樣嘢！亦冇影過呢啲相，都唔會去飯局。」
黃德斌表示沒有人撩他拍裸照，只在多年前曾為外國藝術家擔任裸體畫模特兒，但亦只是畫人體側面線條；2007年港男冠軍袁偉豪透露入行前為學生擔任人體素描的模特兒，但絕不會拍裸照；2005年港男冠軍高鈞賢則自認保守：「選港男嗰陣要着泳褲，我都冇剝晒衫啦！就算依家都唔會影，又唔係大隻！」
據知，的確有TVB男藝人曾拍下性感照片，部分有拍過的男星如今擔心照片終有一天流出。
謙仔揚言不會被金錢引誘拍裸照。
黃德斌曾擔任裸體畫模特兒，但絕不會拍裸照。（資料圖片）