關心妍RB：對隻狗有印象
不少歌手曾在「出事」錄音室排練，亦見過涉案負責人，泳兒說：「同佢影過合照，不過唔熟，聽到呢件事有少少驚，女仔要保護自己。」鍾舒漫亦認得該男子，知他是一個音樂人；而張致恒則表示每次練完歌即走，對他印象不深。關心妍亦坦言見過涉案負責人約十次：「唔熟，只係點頭之交，印象中佢冇乜嘢，覺得佢好錫寵物，因為佢錄音室有狗。」而RubberBand（RB）亦笑言與對方的狗狗較熟：「喺Studio有隻動物周圍走，自然會同隻狗玩。」
至於朱紫嬈則讚對方Nice：「佢個人幾Nice，但唔熟，私下冇聯絡。」而曾與對方合照的草蜢則說：「有機會係錄《勁歌金曲》時影！如果有人利用Artist做呢啲嘢，希望佢好自為之，想件事快啲水落石出。」王馨平則表示不認識對方：「應該係去過佢樓下間錄音室，可能喺公開場合同佢影過合照，但真係唔記得。」
關心妍（右）坦言與被捕男子是點頭之交，而王馨平則不認識對方。
RubberBand表示與被捕男子不相熟，但曾與對方的狗狗玩耍。
鍾舒漫（左）與泳兒寄語女生提高警覺，小心保護自己。