滕麗名「做」小三：總之開心啦
《結．分@謊情式》演員張兆輝、滕麗名和林夏薇等前晚到酒樓歡度母親節兼收看劇集大結局。阿滕早前被指與有「正印」的男子Matthew拍拖並同遊日本，成功踢走「正印」！春風滿面的阿滕被問到Matthew是否其男友，她說：「你話係咪係囉……繼續影到就係，影唔到就唔係！但如果話係都幾麻煩，因為佢始終係圈外人。（感情穩定？）我都未話認……總之開心啦！（被指係「小三」？）冇法，唔明點解明明係好事都講到唔好！」問到新男友有否與其母飯敍？阿滕笑着否認有新男友，並指自己的朋友，無論男女都互相見過家人，記者直接問她對男友家人的印象如何？她笑說：「我對佢（Matthew）印象OK……（家人）都OK，冇問題。」
而林夏薇早前被影到與一名中年男士逛街，她笑言媽媽看後覺得好笑：「嗰個係我屋企嘅風水師，佢由北京落嚟，我一盡地主之誼！」
《結‧分@謊情式》演員齊睇大結局兼歡度母親節。