經理人夢夢唔反對拍拖

對於趙碩之拍拖，其經理人戴夢夢說：「唔知喎！呢啲係佢私人事，我唔會干涉亦唔反對，最緊要唔影響工作。（佢有冇話唔撈？）咁又冇，仍然有工作在身。（唔接性感工作？）唔會，始終公還公、私還私。」而碩之老闆林建名被問到碩之有富商男友，他表示不介意旗下藝人拍拖，惟他不知碩之已拍拖：「我唔清楚佢哋喺出面嘅嘢。（你介紹富商畀佢？）點會介紹？我唔得閒！（贊成佢拍拖？）唔反對，拍拖冇問題，拍拖還拍拖，工作還工作，我教自己仔女都係咁。」他覺得碩之相當重視事業，不會亂來！提及曾是他旗下藝人的尹蓁晞（Yumi），因掛住拍拖而荒廢事業，林建名說：「佢連工作都甩底，唔好，應該早啲講嘛！」

夢夢（左起）和林建名齊聲表示不反對碩之拍拖。（資料圖片）