馬賽狂食Cake打拳減磅
馬賽與很多女孩子一樣鍾情甜品，尤其是朱古力味的蛋糕，她坦言平時有做運動，而且最近更有打西洋拳及泰拳，故不擔心因吃得太多而肥胖，馬賽說：「呢排我最鍾意食朱古力蛋糕，尤其係Black Chocolate，我唔太鍾意甜到漏嗰啲，其次喺拿破崙蛋糕、心太軟等，都係我嘅至愛，平時做嘢咁辛苦，食吓呢啲嘢獎勵吓自己，心情都好啲。」
問到有否親手炮製蛋糕時，馬賽坦言中學時試過到DIY Cake Shop跟老師學整蛋糕，送給當時的男朋友，對方都有讚她，馬賽說：「其實依家有時間，我都會整一啲簡單嘅Cheese Cake，手勢都唔錯o架！」
馬賽最愛朱古力味的蛋糕，卻不擔心因吃得太多而肥胖。