黃耀明爭取「同志」結婚

勇敢公開同志身份的黃耀明昨日出席「國際不再恐同日」，曾遭歧視的明哥自爆當年達明一派出道時，曾有位媽媽拖住小朋友說：「呢個咪達明一派嗰個死基佬！」他直斥該名母親無知：「點解同女人一齊就唔使匿埋，我哋同性戀就要匿埋，社會對同性戀係雙重標準去睇。」他希望可以為同志爭取權利同平等，好似結婚、領養、社會福利等，問到有否想過結婚，他說：「冇諗，係為想結婚嘅人爭取！」而明哥前晚到北京出席時裝品牌JPG活動，第一次跟設計大師見面令他開心不已，他大讚該品牌的服裝前衞及靚，當年達明一派已經開始穿，大師還將其愛將名模Andrej Pejic介紹給他，他表示早就做過Andrej Pejic雌雄同體的造型了。

黃耀明對曾遭歧視是同性戀者而大感不忿！