謝安琪解約唔使賠賺成層樓

歌手謝安琪昨日出席師弟goldEN加盟金牌大風的記者會時，宣布與環球唱片達成協議，在不牽涉賠錢成分下解約，手續雖未辦妥但會盡快完成，並透露不少唱片公司對她感興趣。

謝安琪（Kay）與環球唱片的解約問題擾攘多時，昨日Kay出席師弟goldEN加盟金牌大風的記者會，心情大靚的她甫見記者即說：「有好消息宣布，已經收到電話達成協議，唔牽涉賠錢成分，依家仲有啲手續未辦好，呢段時間都會尊重合約精神，手續會盡快搞掂！」她透露在合約糾紛期間，未有主動跟其他公司洽談，但自言選擇多，並強調簽唱片公司最重要是有共同的音樂理想。

孖老公拍住上

提到不用賠錢，她說：「係呀，係開心事！（鬆動咗？）冇變動，但如果要賠外傳個數就真係成層樓！（賺咗層樓？）有咁嘅可能。」她大讚金牌大風是一間好唱片公司，但即使與金牌簽約亦不關老公張繼聰事，但她不抗拒夫妻檔。記者追問她為何不用賠錢？她表示不便透露。

而金牌大風行政總裁李文偉承認曾與Kay洽談，但最重要是對方先解決解約問題，才會再具體商討。提到Kay稱只欠協議書，他說：「咁陣間約佢傾！」他否認替Kay出錢贖身的傳聞，並希望把Kay羅致旗下。至於環球高層黃劍濤（Duncan）透過發言人回應：「我係打畀周博賢（Kay經理人公司老闆之一），但唔係唔使賠錢，之前有啲墊支費要佢畀番環球。（同Kay和平分手？）呢件事係夏森美同環球唱片不和，希望快啲搞掂同佢有好發展。」他重申現階段仍未完成解約，要簽和解書才正式完事。據知，環球今次可算放生Kay，因毋須賠合約的錢，而墊支費用則接近7位數。