廖碧兒夠圓美 王維基流口水

早前有傳新公司要求廖碧兒打Botox瘦面才有工開，但她昨日出席活動時否認，並指面闊有福氣，新老闆王維基則讚她靚到流晒口水。

廖碧兒（Bernice）、梁小冰與姜文杰等昨日出席城巿電訊劇集晒冷記者會，公布劇集演員及故事。將會開拍音樂歌舞劇《童話戀曲201314》的Bernice表示，現正開始排舞，問到有指新公司要求打Botox瘦面才開劇給她，她坦言沒有此事，不知消息從何而來！提到上鏡仍面圓圓，Bernice反指是有福氣。至於主席王維基被問到是否要求Bernice打Botox時，他說：「梗係冇啦！佢考咗酒牌，我淨係叫佢教我飲紅酒，邊間寫o架？我叫個記者去打！（覺得佢唔需要打？）已經靚到流晒口水，梗係唔使啦！我就需要。」

梁小冰預告「全裸」

對於新電視台發牌一事，王維基表示準備就緒：「都OK，我哋反而唔想佢咁快出，想拍多啲劇先。」至於主演驚慄劇《驚異世紀》的梁小冰透露共演九個角色，由18歲演到80歲，還有一場與周俊偉的大膽床上戲，一路咀一路剝衫！她笑言要請教同學仔，時下女生是否一剝就得番個Bra：「其實我都可以背部全裸，自己背脊同腰都靚。」