栢芝安於現狀：唔會同霆鋒復合

當謝霆鋒與張栢芝離婚成鐵一般的事實之際，栢芝近日卻跟霆鋒愈行愈埋，似是為復合鋪路。然而，身在廣州的栢芝昨日為復合一事首度開腔時，不僅講明不想改變與霆鋒的好朋友關係，更斬釘截鐵說：「真係冇諗過復合，亦唔會復合！」

去年「鋒芝」因機艙事件鬧婚變，最終離婚收場，從此各行各路，但本報上周拍得，霆鋒和栢芝帶細仔Quintus出席大仔Lucas家長日，再加上栢芝搬近霆鋒，方便霆鋒登門為兩名愛兒煮早餐，不難令人聯想「鋒芝」復合在望。有指栢芝近日扭盡六壬望與霆鋒箍煲，Lucas和Quintus更希望父母破鏡重圓，一家齊齊整整，重拾昔日的美好片段。

不過，栢芝卻不欲打破與霆鋒的好朋友關係，她昨日到廣州出席活動，被傳媒蜂擁追訪時，栢芝首度開腔談及復合問題，她說：「冇呀！唔會啦！依家朋友關係好好，唔想改變呢種關係！」其後栢芝更斬釘截鐵說：「真係冇諗過復合，亦唔會復合，所以希望大家唔好諗多咗，多謝大家。」據知，栢芝肯開腔否認復合，全因近日傳聞愈傳愈過分，栢芝最終主動出擊說清楚。

為Quintus慶生辰

據知，栢芝本月12日會與Quintus慶祝2歲生日，為令Quintus生日過得開心，栢芝不欲大費周章，決定返璞歸真，留在家為愛兒切蛋糕和吹蠟燭，但未知霆鋒屆時會否出席。

此外，霆鋒新作劇照亦已曝光，在新片中一人分別飾演搖滾樂手、消防員、拳手、野外冒險家等不同職業角色，挑戰演技。