陳慧琳祝「新抱仔」快高長大
曾揚言要跟華仔對親家的陳慧琳（Kelly），昨日得悉華仔弄瓦之喜時，Kelly開心地說：「祝小龍女健健康康，快高長大，華仔三年抱兩。」
至於身為華仔超級粉絲的名模歐陽妙芝昨日接受電話訪問時，表現興奮，她說：「好開心！好難得，小朋友係天賜，戥華仔同佢太太感恩。」她稱當華仔宣布太太懷孕時，她已預計BB跟其大仔差不多時間出世，她說：「我仔仔係5月13號出世，我呢兩個星期都好緊張，因為知道佢都差不多時候生。（會送咩禮物畀BB？）我之前已經送咗BB用品，我覺得應該送禮物畀父母，因為佢哋都付出咗好多，我親自畫咗幅字畫，諗住送畀華仔，寫住五福臨門。」
另外，林家棟表示剛由內地返港，不知華仔的囡囡已出世，他說：「如果BB真係出咗世，當然恭喜佢，係開心事，依家要畀心機諗有啲乜適合送畀佢。」
陳慧琳獲悉華仔女兒出世，開心不已，小龍包有得娶老婆仔了！
歐陽妙芝的大仔跟華仔女兒同月出世，分外開心！