阿樂爆大肚千嬅「唔郁得」
龍年娛樂圈可謂喜事重重，繼天后陳慧琳三月底誕下細仔小龍包後，劉德華的愛女亦終於出世，而另一位天后楊千嬅下月預產期，即將成為下一個龍B媽咪，令人期待！
肚大如籮的千嬅已足不出戶，乖乖留家養胎，而其電影拍檔兼好友余文樂前晚被問到有否陪待產中的千嬅解悶？他抵死笑說：「佢依家應該郁都郁唔到啦！個肚咁大！（佢話拍大肚寫真喎？）應該啦！仲要除晒衫，我拍戲都未見過，咁難得，一生人一次嘛！畀我有另一半都拍呀！但我唔使除衫拍。（大肚婆好吸引？）大肚婆有大肚婆靚，幸福嘅女人係最靚，千嬅結婚後拍戲都成個靚晒，但人妻就不可窺啦！（送咩禮物畀佢BB？）呢啲等佢分配啦！可能分配我送幾十打尿片。」他又自爆近日被拍得用車接載新女，他澄清該女子只是朋友的太太，更自嘲現時已變成「人妻之友」。
阿樂贊成千嬅除衫影大肚寫真。
腹大便便的千嬅，隨時生得！（資料圖片）