Iris愛閃閃 「袋」表友誼
「爆E超蓮」鍾采羲（Iris）從小喜歡閃閃的東西，最愛這個買了兩年、以閃石帶製成的白色手袋！手袋以摺疊式開合，十分耐用，加上設計輕便，適合年輕女孩子使用，但最重要還是背後十分有紀念價值，她說：「呢個手袋係同我最好嘅朋友一齊買，大家都好鍾意，我哋用佢嚟紀念我哋嘅友誼，後尾仲有兩個朋友見到我哋用都一齊買咗！平時會用得好小心，唔想整花同整污糟！」
另一至愛則是胭脂粉盒，Iris說：「我皮膚成日敏感，所以揀化妝品要好小心，我又唔鍾意好誇張嘅化妝，呢隻胭脂就唔易敏感，加上隻色好自然，搽咗上去白裏透紅咁，我覺得絕對係女仔嘅Must Have胭脂！」
Iris指至愛手袋除了有喜愛的閃閃元素外，還包含一段深厚友誼。
Iris激讚手上的胭脂粉盒顏色自然，搽了不似馬騮屁股！