Mia棄長情

入行兩年多的模媽陳靜儀（Mia），最多人談論的話題離不開「離過婚」、「生過仔」、「整容」或是郭秀雲兒子龐錢景峰舊愛，這些介紹她的形容詞，幾乎負面到貼地，但人生就是這樣，不是任何事都可以控制，她亦對此認命︰「經歷可能畀人多，雖然對外界嚟講唔係樣樣都係好，但自己冇後悔，都慣咗畀人咁講！」

從賤男學精

翻查Mia的情史，只得23歲的她感情檔案已「成呎厚」，除了與前夫及龐錢景峰這兩段情較為人熟悉外，還有圈外舊愛Hayes，但無一段是有好結果。提到Hayes「偷食」時當場斷正，Mia重提時仍一臉哀傷︰「同Hayes差唔多年齡，分手係因為有第三者，有次喺街撞到佢同個女仔攬住，當時佢見唔到我，我成個人呆咗！冇諗過有呢個情況出現，情緒好激動，最後大家就係咁分手。」遭人橫刀奪愛當然難受，若是相識的朋友，心情又怎會好過？她句句有骨地說︰「個第三者我都識，可能佢之前喺外國長大，返到香港多誘惑啩！呢件事係好傷，但佢都教識我好多嘢，叫我學精啲！」

遇上「賤男」，Mia直言猶如「世界末日」，因一次又一次情路上遇到挫折，她選擇收埋自己，對外界事不聞不聽，她說︰「當時做咩都提唔起勁，好多嘢都唔想理，每日只係做嘢，希望可以令自己唔再去諗。」看到Mia心情低落，身邊的朋友怎會不擔心？對於朋友的慰問及關心，無疑是令她再爬起來的動力，她說︰「朋友會短訊我，甚至約我出街陪我怕我悶，真係好窩心！」

再婚有恐懼

走出這個感情墳墓，Mia繼續尋找Mr.Right，問現時感情狀況，她甜笑說︰「都有一個對我好好嘅男友，佢好支持我做呢行，好明白我嘅諗法。」雖然有新戀情，但始終受過情傷，她直言對男人仍有保留︰「以前愛情觀好純真，覺得同男仔拍拖之後可以一生一世，但經過嗰段教訓後，學識唔好咁易信人，尤其係男人！依家拍拖就拍拖，結婚就有恐懼。」也許Mia的生命不能沒有愛情，只求「忠心」兩字，但這樣的男人也確實難找，只能在這裏好好祝福她！

後記：等到變中女

感情路崎嶇的Mia坦言愛情一塌糊塗，還透露今年曾往睇相求指點迷津︰「佢話我感情到30歲先會好，有機會結婚，所以依家專心做嘢先。佢仲話我23歲時識嘅男仔都唔好，其實都幾準。」不過都是這句：「信不信由你！」