莊思明忙掉愛

港姐莊思明與模媽陳靜儀同樣曾不幸遇上感情缺失的負心漢，雖然逐步走出分手陰霾，但前者拒再做望夫石，努力工作遠離情慾；後者則對男性生物失去信心，就算拍拖也不會一廂情願望發展長久。

翻閱舊報，莊思明（Lisa）的名字往往被冠以不同的稱號——「拿督之女」、「莊思敏妹妹」及「港姐季軍」等，每個名譽背後都彰顯着其不平凡，彷彿由出世開始，上天已為她安排一條璀璨的私家路，奈何天意弄人，反要她踏上崎嶇不平的瀝青路。由參選港姐至今，Lisa無可避免地成為新聞人物，風平浪靜了一段時間，原來只是暴風雨來臨前夕！隨着前男友陳司翰捲入偷食風波，她再一次成為話題女王，連她亦自嘲：「慣咗由參選到依家都冇乜好嘢，好多都係花邊新聞，到咗呢一刻都冇話特別唔慣！」

情傷藏心中

縱然多次被拍到煙韌遊街，但兩人作風依然故我，談及這段「過氣地下情」，Lisa終究不認不認還須認，面對男友偷食鐵證擺在眼前，向來低調的她還是要企出來交代：「之前唔會刻意去提，到依家都唔係咁鍾意講私人嘢，不過行到呢一步，點都要出嚟澄清！」她會細閱有關自己的報道，為的不是八卦，只為想搞清楚敵方軍情，早一步思考拆解方案：「每個人想點回應都有自己嘅方法，我採取嘅就係唔想再提，早排傳媒見到我都手下留情，知道我唔想再提。」

走過幽谷，Lisa現時「四大皆空」，斷絕腦電波輸送往來，進入徹底無思想狀態：「我唔會特登再去諗呢件事，每一日都同自己講：『日日都要做好自己！』依家心機放喺真心對我好、錫我嘅人身上！」偷食新聞傳出後，慰問之聲連綿不絕，為當時正拍攝新處境劇《愛．回家》的Lisa注下強心針：「有同事走過嚟安慰我，幕前幕後都有，其實佢哋可以選擇扮唔知，但佢哋好多都花幾分鐘嚟同我傾偈，好多謝身邊好多錫我嘅人。」

只求對我好

跟很多失過戀的女生一樣，Lisa認為最好的療傷妙法是不停做，用工作來麻醉自己，亦不迫切尋找第二春：「依家冇刻意搵，係女仔都想有個人喺身邊錫自己，但我唔會強求，想將自己嘅精神同時間放喺工作上！」屬水瓶座的她感性愛哭，隨便聽歌、睇戲已可令她淚流如注，想追這位「神經質」女生，Lisa笑言只有一個準則：「對我好！」簡單三個字，或比「我愛你」來得更難。

後記：靠愛犬開解

自小與狗為伍的莊思明本來養了八隻狗，因搬屋關係，最後只留下三隻陪伴。三隻狗仔相當識睇眉頭眼額，每當知道主人不開心，便會自動自覺走近她的身邊，她說：「我會同佢哋講嘢，乜都講一餐，佢哋好似聽得明！」