黃宗澤妖樑三日 林峯Chok晒舞功

黃宗澤前晚任無綫音樂總監鄧智偉演唱會嘉賓時，以妖爆Look「艷」壓全場！而林峯則憑拿手的勁歌熱舞贏盡掌聲！

鄧智偉的《平行回憶演唱會》前晚於九展揭開序幕，大批藝人好友力撐，謝雪心、李亞男、王君馨、梁靖琪、苗僑偉及戚美珍等皆為座上客，表演嘉賓則有許廷鏗、吳卓羲、古巨基、黎耀祥、林欣彤、鄭融、黃宗澤、王祖藍及林峯等。

各人施展渾身解數，論「吸睛」非以全新妖爆Look上陣的黃宗澤（Bosco）莫屬！Bosco大唱女友胡杏兒的改編歌曲，成為全場焦點！他受訪時說：「今次係第一次公開唱杏兒嘅歌，我冇所謂嘅。」又笑言權杖是用作平衡：「呢幾日拍戲係咁打，整親隻腳同個鼻，權杖當拐杖！」而另一焦點則落在Chok住勁歌熱舞的林峯身上，他甫出場即掀起整晚高潮，更與鄧智偉互笠高帽搞氣氛。

耳機拖累吳卓羲

至於演繹首本名曲《別怪她》的吳卓羲（Ron），則慘遭耳機拖累，以致演出失準，Ron事後大表錯愕：「戴晒兩隻耳機真係聽唔到，下次戴一隻好啲！」而前晚適逢黎耀祥生日，大會特地在他與基仔合唱時送上蛋糕。至於欣宜則對老外舊愛Mark Ryan傳另結新歡大方送上祝福。