陳煒爭視后難一步登天
前亞姐陳煒昨日出席活動，被問及如何跟身在台灣的老公維繫感情，她說：「我每日都有同老公視像通話，況且香港同台灣來回都係個幾鐘，好近！（怕老公招來狂蜂浪蝶？）老公好有女人緣，而且佢係做生意，工作上好難避免，平時都要靠互相信任，不過我都慶幸老公不近女色！（同老公約法三章預防出軌？）佢喺台灣應酬都要去夜總會，我亦有見識過當地陪酒小姐，所以最重要係大家諗法一致，我依家出番嚟幕前，老公都比以前着緊我。」問到她近期積極復出是否想爭視后？她表示很難一步登天，現時只想有個容身之處及只要觀眾喜歡就可以了。
