陳豪母親節見未來外母

陳豪與陳茵媺情侶檔搵銀，陳豪全程對女友照顧有加，合照時見天花滴水，即出手護花，還揚言會用視像向「未來外母」越洋祝賀母親節！

陳豪及陳茵媺（Aimee）前晚以情侶裝出席全新BMW 6系Gran Coupe新車揭幕酒會，兩人坐上新車出場，其後各企一方影相，影合照時，兩人中間的天花滴水，陳豪盡顯紳士風度，攬着女友離開滴水位。兩人表示對情侶檔酬勞十分滿意，問到何時結婚？陳豪說：「做多幾個活動先。（搵多啲錢先結婚？）努力做嘢先。」並表示十分期待可以一齊做婚紗騷。

問到母親節兩人會否拜會雙方家長？Aimee表示母親不在港，陳豪即說：「玩視像打招呼，應該嘅，禮貌嚟嘅！（Aimee會唔會見你父母？）我哋都要開工，未知住。」問到父母會否想飲新抱茶？陳豪笑而不答，再追問有否被催婚，他說：「冇囉！你哋仲心急過佢哋。」此外，陳豪表示下月會到橫店拍外景，提到他與Aimee合作的劇集，鄭少秋都有份主演，問到會否怕「丁蟹效應」？他表示不怕，而該劇題材特別大膽，令他十分期待！

陳嘉桓考牌揸平車

同場的陳嘉桓透露正在考車牌，將要考泊車，但因最近常常落雨，她膽心影響考試表現，希望當日放晴！問到若考到車牌會否要老闆送車獎勵？她說：「自己努力賺錢買會好啲，而且第一架車我唔會買太貴，要買平車，自己係新手。」