謝賢栢芝媽封嘴
謝霆鋒與張栢芝前日因帶Quintus出席Lucas學校家長日，再被熱炒復合，二人的經理人不願多作回應，栢芝經理人Emily說：「因為Lucas第一次喺學校表演，所以先一齊去。」霆鋒經理人霍汶希則說：「冇回應，霆鋒已足夠成熟處理感情事，只希望他們生活過得開心。」
而謝賢責怪記者追問鋒芝復合，並說：「我點知啫！或者會，或者唔會。（佢哋關係好好？）我同佢哋唔係咁熟。（點睇復合？）自由發展。（你咁錫栢芝，有冇特別想法？）我係錫栢芝，但唔鍾意講你聽，得唔得先？」狄波拉則至截稿前未有回覆。此外，栢芝媽昨晚捧Lady GaGa場，她表示栢芝沒有空陪她，問到最近鋒芝是否經常見面及同住等，她一概拒答，只表示趕睇騷，但她狂打電話樣子焦急，數分鐘後，其男友人才現身「送飛」。同場的張豪龍表示栢芝現在愛煮飯，對於鋒芝復合，他說：「從未聽過！」
栢芝媽偕男友睇騷，對有關鋒芝問題封嘴。
謝賢（左）拒談霆鋒是否與栢芝復合。（資料圖片）