徐子淇想送個仔當兵
千億新抱徐子淇前晚獨自出席卡地亞晚宴，她透露日前與老公李家誠撇下女兒一同欣賞Lady GaGa演唱會，囡囡哭得很厲害，故惟有與老公「分道揚鑣」。對於近期有小童險被綁架，子淇表示會盡量接送女兒返放學，又會教導她何時Say No，她說：「老爺同老公就冇我咁緊張，可能男人唔同啲，老公教個仔都會Strong啲，唔可以太保護佢，要佢似番個男人，最衰香港冇當兵，如果有，我都會送佢去。」
問到老公有否送首飾給她？她說：「有，佢都幾浪漫，會攝喺枕頭底畀驚喜我。」子淇又笑謂會將「嫁妝」留給未來新抱，反而不會留給女兒：「因為囡囡有老公送，但老公唔會送首飾畀新抱，同埋我見到好多朋友嘅仔大咗都掛住拍拖唔理佢，我唔想個仔唔理我！」
此外，昨日子淇出席香港紅十字會活動，並播出她為該會拍攝的宣傳短片，她表示已8年沒做拍攝工作，並不習慣，頻頻NG，而母親節她則靜待老公與囡囡給她驚喜。
徐子淇穿上露背晚裝出席卡地亞晚宴，高貴大方。
王梓軒（後排左起）和徐子淇等出席活動，與小朋友合照。