青霞教揀老公似老竇

息影多年的大美人林青霞，前晚罕有地出席活動，成為全場焦點。她自爆有戲癮，但怕有壓力故未接戲。閒時寫書及享受家庭樂的她，自爆女兒很孝順，更會教她找老公要像父親邢李火原般的好男人！

前晚卡地亞舉行高級珠寶系列晚宴，不少名人盛裝捧場，包括張艾嘉夫婦、馬清揚夫婦、霍啟山、雷林靜怡、李蘢怡、周汶錡與男友等，卡地亞區域行政總裁（北亞洲）陸慧全則盛情款待各人。其中久未露面的大美人林青霞的出現，成為焦點！其後青霞更與繼女邢嘉倩合照。

青霞坦言寫書寫得悶了，「出外」抖抖氣：「卡地亞贊助兩個我支持嘅慈善機構，同埋我老公送畀我爸爸媽咪第一份見面禮，就係一對呢個牌子嘅錶，所以我覺得好有意義，而且我寫嘢寫到好悶，出嚟搵吓靈感！（會唔會寫寫吓出番嚟拍戲？）戲癮係有，但未必會拍，唔想咁大壓力。（周杰倫想搵你拍佢齣電影嘅續集？）我有喺機場見過佢，佢好Nice！（佢對傳媒唔Nice，會否教導佢？）微笑就可以，動手梗係唔好！」

張艾嘉想拍發哥

她自爆與女兒關係融洽，囡囡會自製她的相片集送給她，又試過以她的小說封面製成蛋糕，令她很感動！問到囡囡有否拍拖？她笑說：「都有人追，我教佢要揀好似佢Daddy咁嘅男人，最緊要人品好，心地好！」同場的張艾嘉偕老公一同出席，她亦表示有戲癮，卻怕體力不支，最想與老拍檔周潤發再合作。她又謂兒子已拍拖，喜歡樣子漂亮及獨立的女孩子！