徐濠縈為睇GaGa教女講大話
陳奕迅太太徐濠縈前晚戴上貓耳裝飾及穿喱士裙出席連卡佛× Nicopanda Pop-up Store開幕派對，她表示因這身打扮，被女兒康堤問是否去看GaGa騷。對於GaGa騷限制12歲以下兒童不准進場，阿徐卻於首場偷運康堤入場，她解釋因在後台入場，故事前不知，之後只好教女兒講大話，她說：「我同佢講話如果有人問，就話自己13歲，佢即刻扁嘴唔開心咁話：『點解要講大話？』」她又謂不覺演唱會教壞細路，只視乎父母如何與子女溝通：「我個女比較成熟大膽，細個已鍾意白雪公主嘅巫婆，個騷又唔係殺人、有暴力，GaGa彈琴好叻。」
看了兩場騷的謝婷婷大讚：「睇十次都唔夠。」她笑言覺得記歌詞很難，故做不了歌手。而李璨琛在場內則不停暢飲香檳。
徐濠縈戴上貓耳頭飾，重拾少女味道。
謝婷婷（左）與GaGa的造型師Nicola甚好傾。