蕭正楠借劇上位 再圓Sing夢

歌手出身的蕭正楠重投公仔箱後，今年終稍為嘗到甜美的成果，在多套劇集中演盡忠奸搞笑角色，上位在望的他沒有意氣風發，謙稱會繼續默默耕耘，但最想的仍是重圓歌星夢。

蕭正楠（Edwin）當年做歌手時發展不錯，卻因一句說話人氣下滑，跌得灰頭土臉的他沒有放棄，四年前選擇簽無綫由頭做起，近月人氣急升，接連在劇集《法證先鋒Ⅲ》、《當旺爸爸》及《拳王》中擔演重要角色，做勻忠奸搞笑，隨時奪飛躍獎！

Edwin早前憑《當》劇中的椰殼頭阿Yap引起不少回響，以老土腔唱《遙遠的她》的片段更在網上瘋傳，為甚少演喜劇的他打下強心針：「估唔到搞傻Gag有咁多人讚，有人話好耐冇睇劇係笑唔停，呢樣令我最開心！（發掘咗喜劇細胞？）都唔知o架！但我加咗啲嘢落去，愈老土愈好！」他亦自言愛搞笑，性格與阿Yap相近：「都鍾意令身邊人開心，我係康樂組組長，負責搞活動！」

對於獲安排唱《當》劇主題曲《從未在意》，他直言喜出望外，令他重燃做歌手的熱血：「幾年冇唱廣東歌，好懷念！以前唔明當中意思，依家人生經歷多咗。（簽唱片公司？）暫時未，會繼續拍劇增加影響力，希望仲有得唱！」

前忠後奸玩變面

鏡頭一轉，Edwin由《當》劇的戇直陽光男，變成《拳王》中的暴躁狂，演技大有發揮：「我演李詩韻初戀情人，之後發生意外跛咗性情大變，會出手打佢，有場戲仲成架輪椅撞埋去！」加上在未播的《天梯》及《大太監》中演反派，難怪Edwin直言今年是豐盛的一年。